上回分享過一日治理月經失調嘅病例，但其實因應各病況不一，調理嘅方法都有所不同。到底點先知有冇月經失調呢？點解會有月經失調㗎？又有啲咩日常習慣可改善呢？
怎樣才是正常月經？
正常月經：
❶ 週期 － 約21-35日
❷ 經期 – 約3-7日
❸ 經量 － 約20-80ml
❹ 其他症狀 － 有無痛經？有無血塊？顏色如何？
月經延遲唔黎呢個病證，中醫又稱為「月經後期」，如果月經延遲咗7天以上都未嚟，甚至延後至3-5個月1次，連續兩個月經週期都係咁嘅話，就算係「月經後期」啦。
所以偶然出現一次半次不規律，並唔需要擔心。但如果月經後期同時見到月經量愈來愈少，就要注意有可能會發展為閉經，要及早就醫呀！
月經失調4大主因
❶ 情志不暢 － 壓力大、煩惱多、情緒低落
❷ 飲食不節 － 嗜食生冷、甜食、肥膩食品
❸ 休息不足 － 常熬夜、過勞
❹ 吹風受寒 － 涼冷氣、衣着太短
「月經後期」有2大原因，分別係唔通同唔夠，亦即係經脈不通同唔夠血，而前者多數都係因為肝氣鬱結引起㗎！工作壓力大、煩惱多、情緒低落時會影響情志，情志鬱結就會影響身體氣血運行，氣唔順，血都行得唔好，咁就好容易就會係月經反映出嚟，搞到遲嚟月經，甚至唔嚟！
傅醫放鬆心情小貼士
❶ 聽音樂
聽下中意嘅音樂，或者上網搵一啲作業用BGM，甚至係ASMR，都可有助放鬆！
❷ 靜觀、冥想
網上有唔少呼吸練習嘅聲帶，同埋冥想用嘅音樂，大家不妨跟住指示做，同時又可以聽下海浪、森林等自然聲音，好療癒㗎呢！
❸ 做運動
做運動有益身心就大家都知，就算係大忙人，每日係屋企做10分鐘，原地跑又好、拉筋又好，活動下心情都會好啲㗎！
留言